Slo ned i tårnet

Rask handling frå Sandeid brannvesen hindra at flammane fekk spreie seg vidare i bygningen.

Det var full utrykking frå brannstasjonane i Sandeid, Ølen, Etne og Skjold, og i tillegg kom det snorkelbil frå Haugesund.

— Det var eit kraftig smell og eg hoppa i senga, fortel Kjell Selvaag i Sandeid brannvesen om det lokale uvêret med kraftig nedbør med lyn og torden.

Blåste ut

— Brannen har truleg starta ved lynnedslag i tårnet og to vegger er blåst ut, opplyser operasjonssentralen i Sør-Vest politidistrikt som fekk melding om brannen klokka 00.42.

Utvendig er det tårnet som er brannskadd, og restverdibil var på plass i Sandeid i natt.

Politiet meldte seinare om natta at brannen var under kontroll.