Folkefest i strålande sol

Litt i utkanten av festivalområdet, på ei lita bryggje, står Jenny (3) og Leah (4) Gilje saman med mor Katrine Hetland og ventar spent på Elias-båten. Han skal ta med jentene ut på ein båttur i det fine vêret.

— Det er Elias-båten som er den store grunnen til at vi er her no, seier Hetland, som har venta på båten i over ein time.

Jentene gler seg mykje, og seier at dei seinare i dag også skal kjøpe is og ballongar.