Har hobby som jobb
Hund og hundehold er ein populær hobby, men det er ikkje mange i Grannar-distriktet som kan seie at det er jobben deira. Med drifta av Vindfinn hundetrening er Astrid Weider Ellefsen (35) ein av dei få, og ho er den einaste som lever av å trene jakthundar.
Vindfinn hundetrening ligg på toppen av Vindfinnvegen i Ølensvåg, og har vore i drift i nær fem år. Eigar og einaste tilsette, Astrid Weider Ellefsen, er ein av dei få i distriktet som driv med hund på yrkesbasis, og ho tilbyr trening av jakthund.
— Eg gir privattimar og kurs, og trenar hovudsakleg ståande fuglehundar. Det er ikkje så mange frå området her som nyttar Vindfinn, men eg har fleire som kjem frå Bergen, Stavanger og Haugesund. Akkurat no har eg omtrent tretti faste personar som kjem for privattimar omtrent fem gonger i året, og så kjem kursa eg held i tillegg, fortel ho.
Femti-femti
