Inviterer til ønskekonsert

Det er i det store og heile publikum som har valt ut spelelista til Etne musikklag sin konsert, måndag, 29. mai. Konserten har vore planlagt lenge og for fleire månadar sidan blei publikum spurd kva dei helst ville høyra i ein ønskjekonsert.

— Responsen var overveldande, og me fekk inn over 60 forslag til songar og melodiar som publikumhadde ønskje om å høyra. Så på spelelista vår står alt frå Mozart til Metallica, Richard Nordraak og Tore Tang, opplyser Gunlaug Pedersen, som har vore aktiv i musikklaget i 45 år.

Etne musikklag kjem også til å stilla med ein gjestesolist, då Sissi Kringlebotten er med i programmet for kvelden.