Søppelet flyt mange stader. Over pise er det invitert til dugnad i Etne.
Inviterer til dugnad i Etne
Han likar ikkje søppel som flyt langs vegar og strender og ynskjer seg ei ryddigare bygd. Nå har Albert Rafdal tatt initiativ til ryddedugnad og inviterer alle til å bli med å samla søppel i Etne.
— Komande tysdag blir det ryddedag, seier Albert Rafdal og ber folk som ynskjer å bidra om å stilla opp ved Skakkesenteret i Etne i sekstida på ettermiddagen for å samla herrelaust søppel som flyt i naturen.
— Alle skal få eigne søppelsekker til plast og anna avfall, og me håpar at mange vil stilla opp, seier han og ber folk ta med refleksvest og hanskar.
I hovudsak er det lagt opp til rydding langs europavegen, langs Etneelva og i strandsona. Rafdal ser føre seg ei økt på eit par timar.
