Inviterer til dugnad i Etne

— Komande tysdag blir det ryddedag, seier Albert Rafdal og ber folk som ynskjer å bidra om å stilla opp ved Skakkesenteret i Etne i sekstida på ettermiddagen for å samla herrelaust søppel som flyt i naturen.

— Alle skal få eigne søppelsekker til plast og anna avfall, og me håpar at mange vil stilla opp, seier han og ber folk ta med refleksvest og hanskar.

I hovudsak er det lagt opp til rydding langs europavegen, langs Etneelva og i strandsona. Rafdal ser føre seg ei økt på eit par timar.