Kamp om vekta for 50. gong
Mykje har skjedd ved hamna i Fjæra sidan første fiskefestival i 1968. I år kan Lars Øyre (66) og dei andre arrangørane i idrettslaget by på ny, flott og romsleg kaiområde som utgangspunkt.
Den vesle grenda inst i Åkrafjorden var i mange år ein stille stad utan større utvikling, like til oppdrettgiganten Marine Harvest oppdaga Fjæra. I dag er den nye fabrikken med produksjon av setjefisk ferdigetablert og har resultert i 15 arbeidsplassar. Med hjelp av midlar frå investorane er bygda godt i gang med å utvikla hamneområde.
— Alle her synest det er positivt å få Marine Harvest. Me hadde aldri fått til denne flotte opprustinga av den kommunale kaien utan dei. Og så håper me at det blir endå fleire lokale arbeidsplassar, seier Lars Øyre.
Mange konkurrentar
