Klart for aktivitetspark
Magne Christiansen er glad for støtta i kommunen, som har den same visjonen om at den nye aktivitetsparken blir eit reisemål, og at det trekkjer folk til Kultur- og læringssenteret.
– Me er veldig fornøgde med at Vindafjord kommune vel å investera 1,5 millionar kroner i aktivitetsparken. Ein må hugse på at dei også stiller med tomta, seier Magne Christiansen, banksjef i SR-Banken og ein av initiativtakarane til prosjektet.
Han og Arne Gunnar Habbestad, initierte ideen då dei påpeika at det mangla ein leike-, aktivitets- og møtestad i Ølen sentrum. Med seg på laget fekk dei Ølen grendeutval, ved leiar Anja Hauge Christiansen, då planteikningane var utforma.
Pristilbodet på anlegget slik det ligg føre har ei kostnadsramme på i underkant av 9,4 millionar. Oppdraget vil bli lagt ut på offentleg anbod i august, med ein frist på cirka tre veker.
