Helgevold Gruppen med svært gode tal for 2016, men dette året blir tøffare, meiner eigar og gründer Johannes Helgevold (t.h), her saman med Svein Tore Veim som er prosjektleiar for elektro og automasjon i utbygginga av settefiskanlegget i Trovåg.
Arkivfoto: Jon Edvardsen
Ventar tøffare tider
Elektrogründer Johannes T. Helgevold (57) i Sandeid har lagt bak seg eit historisk godt år med sine selskap. 2017 starta tøft og blir ikkje like bra som i fjor.
Helgevold-gruppa har levert svært gode tal for 2016. Hovudselskapet Helgevold Elektro AS i Sandeid auka inntektene med heile 37 prosent og passerte hundre millionar for første gong med solid margin. Helgevold Elektro Haugesund AS hadde ein mindre nedgang i inntektene, men innteninga er solid i båe selskapa.
— Eg er veldig godt fornøgd med volum og ein margin på rundt ti prosent. Me klarer ikkje like gode tal i år og har budsjettert med eit fall i inntektene på tolv prosent, og 2018 er førebels usikkert, seier ein nøktern Johannes Helgevold.
To store oppdrag
