— Det blir eit flott næringsområde og skal vere nummer éin i Vindafjord framover. Både kommunen og dei vi har dialog med i næringslivet meiner dette er eit godt alternativ. Nytt næringsområde var det første eg tok fatt på i jobben i Vindafjord kommune, seier samfunnsutviklar Erik Baust som også er leiar for det ein kan kalle tekniske tenester i Vindafjord kommune.
Regionale ambisjonar
Å forvalte og utvikle næringsområde er ei sentral oppgåve for samfunnsutviklaren. Vindafjord manglar ikkje næringsareal, verken reelle areal eller område som har denne statusen i kommuneplanen. I alt 2.000 dekar med smått og stort.
