Jarle Sjurseike i Knapphus Energi.
Arkivfoto: St1
Vil forsyna heile landet
Knapphus Energi får energileverandøren St1 Norge med på laget og etablerer nytt selskap med mål om å bli landsdekkande aktør for farga diesel og drivstoff til maskinar og utstyr.
I dag er Knapphus Energi ein leiande energiaktør i Rogaland som leverer drivstoff til maskinar og utstyr til entreprenørar, jordbruk, næringsliv og private. Nå tek dei steget vidare og satsar mot ein landsdekkande marknad. I samarbeid med det finske energiselskapet ST1, som i dag eig Shell-stasjonane i Norge, Sverige og Finland, skal det nyetablerte selskapet Knapphus Energi Norge AS syta for leveransar rundt om i heile landet.
— Me har planar om å bli landsdekkande, og ynskjer å knyta til oss samarbeidspartnarar i heile landet, seier Jarle Sjurseike i Knapphus Energi.
Det eksisterande selskapet Knapphus Energi vil bestå som før.
