Styreleiar Ståle Tungesvik i Skakke SA ber Etne kommune bidra med fleire millioner kroner for å banke gjeld i driftsselskapet. Alternativet kan bli konkurs.
FOTO: TORSTEIN TYSVÆR NYMOEN
Skakke i økonomisk krise
Styreleiar Ståle Tungesvik åtvarar mot å tru at drifta av Skakkesenteret er redda. Den er tvert om meir alvorleg enn på lenge. No ber styret om millionar frå Etne kommune for å unngå konkurs.
Nyleg blei det kjent at Etne kommune truleg slepp å kjøpe Hordaland fylke sine areal i Skakkesenteret for 21 millionar kroner. Det er dei i høve til ein klausul i kontrakten som vart skriven i 2009, forplikta til, som følgje av at Etne vidaregåande skule vart lagt ned før 2021.
Etter fleire forhandlingar og møte, både på administrativt og politisk nivå i kommunen og fylkeskommunen, ser det no ut til at kommunen får overta fylket sine areal gratis, men må dekke opp for fylket sine husleige-forpliktingar i Skakke SA sine areal fram til 2021, i praksis idrettshallen og sin del av utgifter til fellesareala. Eit beløp på cirka fem millionar kroner.
— Ein god avtale for Etne kommune. Men det hjelper diverre ikkje Skakke SA si drift, seier den nye styreleiaren Ståle Tungesvik.
