Wenche S. Lilleland ved Fjellgardsvatnet i Vikedalsdalen har i årevis retta søkjelyset på dårleg mobildekning og ustabil tilgang til internett. No er betre mobildekning ikkje så langt unna etter at kommunale midlar til breiband er omdisponert for å dekkje ei spleiselag med Telenor. Arkivfoto
Fortvilar over manglande dekning
Mange i Vikedalstalden slit med mangelfull dekning på mobiltelefonen, og for eit par veker sidan var krinsen utan kontakt med nettverket i fleire dagar. For Wenche Lilleland (58) er tunet heime på garden i ved Fjellgardsvatnet blitt familien sin faste telefonsentral. Her kan ho vera heldig å få signal på mobilen når ho skal ha kontakt med omverda, og når ho skal ringja finn ho dei beste signala på hjørna av garasjen.
Fasttelefonen inne i huset er ute av drift rett som det er, og mobilsignala vil ikkje ta turen inn i stova. Verken fasttelefon eller mobiltelefon er å lita på for folk som bur inst i Vikedalsdalen, og både Wenche Lilleland og mannen Tjerand Lilleland (60) på garden Hagen opplever stadig sviktande telefonsamband.
— Fasttelefonen var nyleg borte tre gonger i løpet av tre veker, og ved eitt par av tilfella verka ikkje mobilen heller. Då måtte eg køyra over tolv kilometer ned til Vikedal for å få signal på mobilen, fortel Wenche Lilleland og fortvilar over den uhaldbare situasjonen.
