Får ein porsjon erfaring
Det er fellesferie og mange nyt lange soldagar på stranda. For studentane derimot, betyr sommarferie jobb. Dei treng nemleg erfaring, pengar og ein fot inn i arbeidslivet.
Tålmod er ein viktig eigenskap som Daniel Andreas Breivik (26) frå Skjold og Mari Rogne Vinje (21) frå Etne får testa godt i sommar.
For å komme inn på deira arbeidsplass må du køyre inn gjennom ein låst port og levere frå deg mobiltelefonen. Dei er nemleg i Sandeid fengsel i sommar, som vikarbetjentar.
— Det er eigentleg ganske tilfeldig at eg er her, for eg fekk vita om jobben gjennom kameratar som har jobba her før, og eg synest det verka både interessant og spennande. Du får eit innblikk i ein annan del av samfunnet, og det er ikkje alle som får den sjansen, seier Daniel Andreas Breivik.
