Kommunelegen ber om tiltak

På grunn av brannen i skulen tidlegare i år har lærarane mellombelse arbeidsstasjonar i eit tidlegare klasserom. Der er det påvist radon med verdiar mellom 500 og 700 becquerele, noko som er langt over tiltaksgrensa på 100 bq. Ifølgje vaktmeisteren er det råd å kome ned mot 100 becquerele dersom vindauga står opne heile natta.

Lokalet er på 40 kvadratmeter og er arbeidsplass for 20 lærarar som er i rommet ganske mange timar i veka til saman. Under inspeksjonen til kommunelege Terje Kleiven var det ein lærar i rommet, men det var tett luft og dårleg inneklima. Luftfukt og CO2 vart ikkje målt, men lokalet bar klart preg av at det ikkje kom luft inn, påpeikar kommunelegen.

Meldt om helseplager