Møt ein som kan mykje om brann
Laurdag blir den internasjonale bamsedagen markert over heile verda, og barn som besøkjer biblioteka i Etne og Vindafjord er ekstra heldige. Dei får nemleg treffa brannbamsen Bjørnis som kjem på besøk.
Brannbjørnen Bjørnis er kanskje ein ukjent figur for ungdomsskuleelevar og vaksne, men spør gjerne ein barneskuleelev eller eit barnehagebarn om dei kjenner Bjørnis: Då kjem det høgst sannsynleg eit engasjert jaaa!»
Han er nemleg brannbamsen, i same storleik som ein vaksen person, som både har sin eigen youtube-kanal, sin eigen song og som er blitt svært populær blant den yngre garde. Bjørnis er i dag blitt heile Noreg sin brannbamse, og bur på brannstasjonane rundt om kring. Hans viktigaste jobb er å bli med brannbilane når dei rykkjer ut til brannar og ulukker med barn. Han trøystar og er ein god ven som gir tryggleik.
— På laurdag markerer me den internasjonale bamsedagen, og me er veldig glade for at Bjørnis har annonsert at han kjem på besøk både til biblioteket i Vindafjord og i Etne, seier Ingeborg Sørheim i Etne bibliotek.
