Folkefest i ny turløype
Etter over eitt år med intens jobbing er den nye turløypa rundt Bjoavatnet klar til bruk. Det blei markert med kakefest, snorklipping og folkefest ute i det fri.
Det er torsdag ettermiddag og bygdefolket på Bjoa er i ferd med å gjera seg klar til den store opningsfesten av den nye turløypa i krinsen. Små og store sambygdingar har funne vegen inn til samlingsplassen midt i løypa der markeringa skal finna stad, og nå ventar tolmodig dei på at ordføraren skal dukka opp for å klippa snora som er spent over vegen. Sjølv om løypa nett er ferdig har den alt blitt eit populært turmål som fleire bjoabuar har testa.
— Eg har gått her ein del før den var ferdig. Dette er blitt eit knallbra tilbod. Løypa er lagt slik at ho følgjer terrenget og er tilrettelagt for alle. Og så har den ei passeleg lengd, seier Terje Bødtker og er svært godt nøgd med det nye turtilbodet i bygda.
Nå ynskjer han seg fleire turtilbod.
