Rekordpåmelding til løp langs Åkrafjorden

— Arrangementet blir naturleg nok aldri som Sentrumsløpet i Oslo med 10.000 deltakarar, men å få deltakar-rekord i løpsklassen er noko klubben veit å verdsetja, seier Gisle Sellevold på vegner av Klypetussen.

For 16. gong

Aldri på 16 løp har så mange førehandspåmeldt seg som i år; 48 personar fire dagar før starten. Lars Lunde, Ørjan Grønnevig og Nils Haktor Bua er blant mange gode i herreklassen. I dameklassen kan Sara Årseth trua Maryna Novik. — Men det kan endå koma fleire toppløparar, og venteleg mange andre gode deltakarar som ikkje vil definera seg som toppløparar, seier Sellevold.