Asbjørn Moe (t.v), Jarle Ljosnes, Magne Christiansen og Egil Viker Jørgensen er klare for ny Sjoardag, med folkefest i sentrum.Foto: Grethe Hopland RavnBilde 1 av 3
I eine enden av Sjoargata var det motortreff også i 2017. Her var det mange frammøtte.Arkivfoto: Grethe Hopland RavnBilde 2 av 3
40 spreke stilte til start i for to år sidan, og i år håpar arrangøren på minst like mange.Arkivfoto: Grethe Hopland RavnBilde 3 av 3
Det pleier å myldra godt i Ølen sentrum når Sjoardagen går av stabelen, og i dette formatet blir dagen arrangert for femte gong.
— Me startar det heile på tradisjonelt vis med sjoarløpet, som er eit populært barneløp. Det som er viktig å merka seg i år, er at alle må koma litt før for å registrera seg. I år blir det nemleg ikkje berre ein premie til alle som stiller til start, men også på startnummeret. Og me har mykje flotte premiar, seier Magne Christiansen som saman med Asbjørn Moe representerer sentrumsbedriftene i komiteen.
Med seg har dei Jarle Ljosnes frå Ølen kulturhus og Roatoppen opp, og Egil Viker Jørgensen frå Etne og Vindafjord motorklubb.
