Vindafjordhallen brann ned til grunnen måndag 22. juli. Vindafjord kommune har fått opplyst at politiet sin rapport om brannen skal vere klar i løpet av ein månad. Lite skjer før den tid.
Foto: Sirianne Vikingstad
Blir avklara i september
Det opplyste einingsleiar Marit Øverland Ilstad i kommunaltekniske tenester under ein statusrapport i formannskapet i dag. Ho viste til at politiet har opplyst at konklusjonen om brannårsak blir ferdig i løpet av ein månad. Det vil seie før utangangen av september.
Deretter vil kommunen og forsikringsselskapet gå saman for bli samde om forsikringsoppgjeret og framgangsmåten når Vindafjordhallen skal gjenreisast.
Politiet har så langt gått ut med at brannen starta i sørenden av hallen. Det er eit faktum at nokon grilla ved hallen dagen før, men det er ikkje fastslått at det har skapt brannen.
