Etne har fått ny kommunedirektør

Kommunestyret var samrøysa då ny kommunedirektør i Etne skulle tilsetjast torsdag kveld, og ordførar Siri Klokkerstuen takka for ein ryddig og grei tilsetjingsprosess.

Tollefsen er busett i Haugesund kommune og arbeider i dag som leiar for oljeselskapet Crudecorp, stasjonert i California, USA. Han har brei erfaring frå industrien og var sjef for Aibels verksemd i Haugesund i ni år før han starta i Crudecorp. Samla sett har han meir enn 25 års erfaring frå Aibel.

— Eg gler meg til å starta i stillinga som kommunedirektør i midten av januar, og ser fram til å jobba tett på politikarane i kommunen. Det er ei ny erfaring, seier Tollefsen, og innrømmer han må lesa seg opp på kommunelova før han startar i stillinga.