Har etablert Jesu kirke
Nye eigarar har kjøpt opp Vikedal sæter og etablert eit kristent senter på staden. Ekteparet Terje og Marian Vikse, og Ingvald Ryan Endresen vil skapa ein plass for vekking og åndeleg påfyll.
Det har vore to travle månadar på dei tre ferske huseigarane i Vikedalsdalen, for sjølv om dei så langt ikkje har satsa så mykje på profilering, har folk likevel funne fram til nyoppstarta Jesu kirke i Vikedal.
— Me ønskjer å vera eit senter til inspirasjon, trening og undervisning. Me ønskjer også hjelpa andre menneske som gjerne har psykiske utfordringar eller som er utbrende. Her har me eit godt miljø, og her står Jesus sentralt i alt me gjer. I tillegg leiger me ut rom til feriegjester, og så langt har me hatt over 200 personar som gjester. I tillegg er det også mange som har kome innom på besøk, så eg trur ganske sikkert me snakkar om fleire hundre som har vore innom i løpet av eit par månadar, seier Terje Vikse, som saman med kona Marion har flytta frå Karmøy til Vikedal.
Godt besøkt
