Fastlegar. I dag kan vi presentere kor mange gonger innbyggjarane i Vindafjord og Etne går til fastlege, samanlikna med resten av befolkninga. Illustrasjonsfoto
Under snittet i bruk av fastlege
Folk i Vindafjord og Etne går mindre til fastlege enn folk flest her i landet. Det viser tal frå Statistisk sentralbyrå.
I 2018 var det over 22.000 konsultasjonar hos fastlegane i Vindafjord kommune. Det fortel at innbyggjarane her er noko sjeldnare på gjesting hos legen enn Ola og Kari generelt. Også Etne ligg under snittet i landet.
Tala frå SSB viser at det var dryge 14 millionar konsultasjonar hos fastlege i Noreg i 2018.
— Ungdom i slutten av tenåra kontakta fastlegen oftare enn tidlegare, medan dei eldste hadde færre legebesøk enn året før, fortel SSB i ein artikkel om temaet.
