Den gongen varene blei handla over disk
Tida er forbi då kundane vart ekspederte i tur og orden av kjøpmannen sjølv eller ein medarbeidar, i eit lite og gjerne trongt butikklokale, med stor disk.
Nyleg har Vormedal Forlag gitt ut ei bok som omtalar mange av daglegvarebutikkane i Nord-Rogaland og delar av Sunnhordland, handelsverksemder som no er lagde ned.
Boka, som har fått tittelen Nærbutikkene på Haugalandet», baserer seg på ein artikkelserie som har stått på trykk i Haugesunds Avis dei siste åra. Opphavsmennene til artiklane er haugesundarane Alf Henden og Henry Thorsen. Begge to er godt skikka til å gi ein presentasjon av daglegvarebutikkar som har eksistert i Haugesund og distriktet ikring.
