SV sitt forsøk på å få klima opp på dagsorden i budsjettet for 2020 i Vindafjord, fall på steingrunn. Ingen andre ville ta opp ein klimadebatt med utgangspunkt i partiet sine mange forslag. I praksis vart det dermed berre mogleg å støtte forslaga ved å stemme på heile budsjettforslaget til SV, og det gjorde ingen andre enn partiet sin representant i kommunestyret, Guri Ravatn.
— Eg tok initiativ overfor dei andre partia på epost. Det var ikkje akkurat allmenn jubel for forslaga, sa ho.
