Freda dyr påkøyrt og forlate

Oteren er eit svært sjeldan dyr på våre kantar, og også Erling Lien, leiar i viltnemnda i Vindafjord, sperra augo opp då han fekk melding om hendinga som skjedde i Ølen måndag kveld. Først dagen etter blei folk i nabolaget klar over kva som hadde skjedd.

— Vedkomande som køyrde over dyret, tok ikkje kontakt med viltnemnda, eventuelt politiet, som ein er pliktig til i slike situasjonar. Skrotten er tatt vare på og lagt i ein frysar i påvente av å bli sendt til rett styresmakt, fylkesmannen, seier Lien til Grannar.

Oteren, eit rovpattedyr i mårfamilien, er raudlista og freda, men finst mange stader i landet, går det fram at Rovdata sitt artskart. Likevel er dette ein svært sjeldan gjest på våre kantar.