Orgel i særklasse på Krambua
På krambumuseet i Ølen har dei fått eit stort og flott husorgel i gåve. — Me er svært begeistra, utrykker Magnus Arne Andersen, saman med Ole Dag Østhus.
Klenodiet er bygd av den kjente orgelbyggaren Einar Kaland i Bergen. Kaland var sjølv musikar av utdanning, men i staden for å vie seg heilt til kunsten skapte han seg eit namn som instrumentbyggar og musikkforretningsgründer i byen mellom dei sju fjell, på byrjinga av 1900-talet.
Kaland produserte om lag 1.500 slike harmonium, eller trøorgel, som dei gjerne blir kalla, i perioden 1909 til 1925. Det som nå står på museet i Ølen blei laga i 1910, etter alt å dømme særskilt til ei utstilling i Bergen i 1910, der Kaland-orgelet» mottok høgaste utmerking.
— Dette er altså eit orgel som byggaren lagde spesifikt for presentere som eksempel på byggjekunsten sin, og det er særs godt bevart, seier Magnus Arne Andersen.
