Gjer plass til inntoget av turistar
Turistsesongen begynner kanskje tidlegare enn ein skulle tru: 10. februar skal første cruise-skip for året ta inn til Haugesund. Unni Marie Lien sørgjer for betre trafikale forhold for turistane i Ølen i år.
Den lokale rosemalaren og turist-spesialisten er i ferd med å ferdigstille ny parkeringsplass ved butikken hennar ved E134 i Ølen, like før den spede begynninga av turistsesongen 2020. Første cruise-skip til Haugesund er venta om ei vekes tid, med påfølgande busslaster av turistar som skal på utflukt til Åkrafjorden. På vegen dit er Lien sin butikk i Ølen einaste stoppestad, og turistbussar på veg både til og frå destinasjonen aust i Etne svingar etter programmet inn hjå henne. Då kjem ny parkeringsplass, skjerma bak autovern og med plass til to bussar i breidda, godt med. Så stor er han ikkje, men akkurat det ein treng for å betre forholda betydeleg.
— Å få ned trafikkfaren var ein hovudambisjon med ny og betre parkering. Slik det har vore har besøkjande stundom gått ut av bussane og forvilla seg inn på vegbana på E134. Nå kan folk også stå på den nye plassen og ta bilete av butikken, hagen og fjorden, i staden for å stå i kanten av vegen, seier Lien.
Mang slags attraksjonar
