Vill sjøaure som er fanga av NORCE LFI som del av Havforskingsinstituttet si luseovervaking våren 2019. Bildet er Masfjorden, som ligg i produksjonsområde 4. — I snitt hadde fiskane på denne stasjonen 60-80 lus i veke 21-23. Dei er då dødsdømde, hevdar Norske lakseelver.
Foto: Neteland Production.
— Lytta ikkje til ekspertane
To oppdrettssoner i raudt, men Hardangerfjorden slepp nedtak. Fiskeriministeren lyttar ikkje til ekspertgruppa, er Norske lakseelver sin dom.
— Fiskeri- og sjømatminister Geir-Inge Sivertsen (H) skrudde tysdag på trafikklysa for oppdrettsindustrien. Sone 3, mellom Karmøy og Sotra, har i mange år slite med massiv dødelegheit på vill laksefisk på grunn av lakselus frå oppdrett, men departementet vel å ikkje ta ned produksjonen her, trass i at den oppnemnde ekspertgruppa seier at samla vurdering for 2018 – 2019 tilseier at sona skal vera raud, er elveeigarane sin kommentar.
Dei områda som får raudt, er Nordhordland til Stadt (4) og Stadt til Hustadvika (5).
Organisasjonen Norske Lakseelver meiner raudlyset i sone 4 og 5 er korrekt, men er oppgitt over at oppdrettarane i Hardanger slepp nedtak, på tvers av ekspertgruppa si vurdering.
