Etne-ordførar Mette Heidi Bergsvåg Ekrheim og kommunedirektør Bjørn Tollefsen må konstatere at 2020-rekneskapen blir tynga av at gamle avskrivingar ikkje er bokført tidlegare. Det gir mindre pengar å rutte med i tida som kjem.
ARKIVFOTO: GRETHE HOPLAND RAVN
Nei til smådyrvakta
Det var eit einstemmig formannskap som tysdag stemde for kommunedirektør Bjørn Tollefsen sitt forslag om å ikkje melda seg inn i avtalen om smådyrvakt på Haugalandet
Etne kommune var ikkje villige til å bruka 40.000 kroner i året på å vera medlem i samarbeidsavtalen om smådyrvakt på Haugalandet. Det blei einstemmig vedteke i tysdagens formannskap.
I forslaget frå kommunedirektør Bjørn Tollefsen blir det argumentert med at det ikkje er eit lovpålagt krav å delta i ei dyrlegevakt.
— Eg har sjekka ut undersøkt litt rundt denne saka og det er ein veletablert og velutstyrt klinikk i Odda, som har kapasitet til å ta i mot smådyr også frå Etne. I lammesesongen kan dei ha eit lite problem med kapasiteten, men elles ikkje. Klinikken i Odda har eit godt rykte, og er velutstyrt, seier ordførar Mette Heidi Bergsvåg Ekrheim.
