Startar opp digital innbyggjardialog.Arkivfoto
Nye sakssystem fører til nedetid i kommunane
Ei stor oppgradering av digitale system hos kommunane på Haugalandet, skal gi betre tenester. Før alt er på plass, vil dei populære postlistene vera ute av drift ein periode.
Kommunane Bokn, Etne, Haugesund, Karmøy, Sveio, Tysvær og Vindafjord har dei siste par åra samarbeidd om innkjøp av likt sak-/arkivsystem. Samarbeidet gjeld kjøp/oppgradering av systemet ACOS WebSak, og samkøyring av tenestene og fagområda som bruker dette systemet.
— Prosjektet er eit av dei mest omfattande administrative samarbeida mellom kommunane på Haugalandet nokon gong, fastslår prosjektleiar Mali Smemo Hjemdal i ei pressemelding.
Over 50 personar innanfor fagområda arkiv, ikt, politiske møte, klart språk, personal- og skuledokumentasjon og eigedom har utarbeidd felles rutinar og arbeidsmåtar som skal vera like i kommunane.
