Omega Design satsar på filmproduksjon og mobilapp-utvikling og styrkar seg som leverandør av design, utvikling og kommunikasjonstenester. F.v dagleg leiar Astrid Eidhammer Hjelmeland, leiar av mobilapp-teamet Bente Bakke og filmfotograf Elin Sørheim.
Foto: Eva Karina Hjelmeland Moe
Utvidar det kreative repertoaret
Kommunikasjonsbedrifta Omega Design AS har fått nye medarbeidarar på laget og utvidar repertoaret til også å omfatta filmproduksjon og utvikling av appar.
Tidlegare Filter, som er dotterselskap Omega-konsernet i Ølensvåg, rettar si drift mot næringslivet med sal av tenester innan nettutvikling, grafisk design, PR, kommunikasjon, kurs og tekststriving.
Nå har bedrifta fått eit eige mobilapp-team som består av Bente Bakke, Espen Gjendem og Jostein Skaar. Dei tre har det siste året vore knytt til Omega PS, ei anna dotter i milliardkonsernet, men blir altså nå ein del av Omega Design.
Dagleg leiar Astrid Eidhammer Hjelmeland synest det er utruleg bra å få mobilapp-teamet inn i Omega Design.
