Haustmarknad med nye kremarar

Etnesjøen grendelag inviterer til ny haustmarknad på torget midt i sentrum komande laurdag.

— Me fyller torget med mange lokale produsentar og utstillarar som sel alt frå blomar, klede, interiør, leikar, heimebakst, kaffi, sirup, saft, syltetøy, handverk, lopper, smykke, øyrepynt, treprodukt, måleri, garn, strikkepakker og mykje meir, seier leiar i grendelaget, Yvonne Sandgren.

Dama bak prikkebutikken skal sjølv i elden, saman med gartnar Benet Ove Ebne frå Ølen, i ein runde der dei auksjonerer vekk varer. Det er også klart for kremmarar som ikkje har vore på torget i Etne tidlegare, nokre kjem heilt frå Sauda, Nedstrand og Haugesund.