Helse Fonna-styret ynskjer vidare utbygging mot aust

Styret i Helse Fonna sluttar seg samrøystes til tilrådingane frå prosjektgruppa og administrerande direktør Olav Klausen, som tilrår vidare sjukehusutbygging mot aust i Haugesund, går det fram av ei pressemelding frå sjukehusføretaket. Styret drøfta saka på sitt møte måndag, og målet er å gjera endeleg vedtak om neste byggjetrinn på styremøtet i oktober. Før endeleg vedtak skal den reviderte konseptrapporten til ekstern kvalitetssikring.

Det er tre alternativ som har vore vurderte: Utbygging mot nord, mot aust, eller det såkalla nullalternativet, som inneber ei ombygging av dagens bygningsmasse.

Bakgrunnen for at neste byggjetrinn kan bli framskunda med fleire år enn det som først var tenkt, er at Helse Vest tek sikte på å tilføra nærare 300 millionar kroner i likviditet i 2023. Dette styrkjer finansieringsgrunnlaget, og gjer at Helse Fonna kan vera i stand til å starta ei vidare utbygging med kostnad inntil éin milliard kroner alt i 2023