Ynskjer treninga tilbake

Få idrettar er meir ramma av korona-pandemien enn seriefotball for seniorar nedover i divisjonane, den såkalla breiddefotballen. Då pandemien kom og landet gjekk inn i ein unntakstilstand for vel eit halvt år sidan, var det slutt på både trening og kampar. Seinare er det opna for å ha treningar, men med strenge tiltak og heilt utan kampsituasjon. Og i førre veke kom meldinga frå fotballforbundet om at seriesesongen er avlyst.

— Kjedeleg, men forventa, og fornuftig sidan det nå er så seint på året, seier Stian Haugland, trenar for Ølen sitt A-lag, og får støtte frå lagleiar Per Ivar Innvær i Vats 94/Skjoldar og Lars Øvernes, trenar for Etne.

— Barn og unge viktigast