800 husdyr har døydd i brann i år

Fleire hundre grisar og over hundre geiter har mista livet i fire forskjellige brannar i år. Og rundt 40 kyr har omkomme i ein stor fjøsbrann på Romerike. Det fortel styreleiar i Landbrukets brannvernkomité, Pål-Arne Oulie, til Nationen.

I fjor var det tre brannar, der fire husdyr mista livet. Oulie fortel at 2019 var eit spesielt år, og at tala for 2020 er lågare enn både 2017 og 2018. Likevel er kvart dyr som døyr i brann, eitt for mykje, seier han.

For 10 år sidan lanserte Landbrukets brannvernkomité ein nullvisjon for husdyrtap ved landbruksbrannar. Sidan 2014 det vore 90 prosent nedgang i talet på brannar i driftsbygningar der husdyr har døydd.