Arbeiderpartiet kritiserer regjeringa for å ikkje ta Statens vegvesen si utgreiing på alvor om at E134 er samfunnsøkonomiske det viktigaste hovudsambandet mellom aust og vest.Arkivfoto
Ap, Frp og So vil utgreia arm frå E134 til Bergen
Arbeiderpartiet har i dag beslutta at dei vil fremja forslag i Stortinget om at det blir utarbeidd ei konseptvalutgreiing (KVU) av arm frå E134 til Bergen. Forslaget kjem etter innspel frå Frp.
Ap meldte om sitt utspel i ei pressemelding onsdag ettermiddag. Tidlegare har Frp meldt om at dei vil lansera eit slikt forslag i Stortinget. Det har også støtte av Sp. Partiet kom onsdag kveld med ei pressemelding der det går fram at Bård Hoksrud (Frp) i Stortinget i dag, torsdag, fremjar forslag om å setja i gang utgreiing av arm til Bergen frå E134.
Som Grannar tidlegare har omtalt, reiste Hoksrud i dagane 5-7. september, saman med stortingskollegaene Helge Andre Njåstad og Terje Halleland, langs heile traséen for å henta inn innspel til NTP og forbetringar av E134. Etter denne turen har partiet jobba fram eit forslag som det er ønskeleg å få fleirtal for slik at konseptuvalutgreiinga (KVU) kan bestillast.
— E134 som ein samla trase mellom Vestlandet og Austlandet er den desidert mest samfunnsnyttige strekninga mellom aust og vest. Nå må me få på plassein KVU og legga traséval bak oss og begynna å bygga, seier Terje Halleland.
