Barnehage og vaksenopplæring berørt av smitte

Ein person er bekrefta smitta av covid-19 i Vindafjord. Smittekjelda er lokal og ukjent, og smittesporing pågar. Personen har tilknytning til vaksenopplæringa i kommunen, og denne er stengt i påvente av vidare avklaring.

Lærarar og elevar som har hatt kontakt med den smitta er sett i karantene. To barn ved FUS Ølensjøen barnehage er nærkontaktar med den smitta personen og to avdelingar ved barnehagen er i karantene. Til saman 26 personar er registrert smitta av covid-19 i Vindafjord så langt, og smitten er på veg opp.

— Utfordringa er at me ikkje kjenner den lokale smittekjelda. Det er all grunn til å vera på vakt når ein ikkje kjenner smittekjelda, seier kommuneoverlege Terje Kleiven som har sett i verk eit omfattande smittesporingsarbeid.