Camilla Espevoll (t.v.) med hunden Isa og Jane Espevoll med hundane Iris og Saga under NM i bruk av gjetarhund.
Foto: Privat
Blant dei ti beste i NM
Jane Espevoll frå Vikedal fekk to hundar blant dei ti beste under Norgesmeisterskapet i bruk av gjetarhund. Søstera Camilla Espevoll kom på plass nummer 16.
Tre deltakarar frå Vindafjord stilte til start under gjetarhund NM i på Bryne i helga. Jane og Camilla Espevoll sikra seg plass i finalen, medan tanta Svanhild Markhus frå Skjold klarte ikkje å kvalifisera seg til finalen som gjekk sundag ettermiddag.
— Eg stilte med to hundar og fekk plass nummer 9 og 10, medan Camilla enda på plass nummer 16, seier Jane Espevoll etter at finalen er over.
— Det blei eit litt vanskeleg og langt løp. Me skulle henta inn ein flokk frå 400 meter og senda den ut til 600 meter. Det blei så langt at hunden ikkje høyrde oss, seier ho.
