Bakar Aud Berit Ljusnes Jensen (t.v) og steikeassistent Olga Konova er i ferd med å laga 850 nordlandskaker denne dagen.
Foto: Grethe Hopland Ravn
Ein god grunn til å svinga innom
Åkrafjordtunet har etter kvart fått mange bein å stå på, og ein av fleire gode grunnane til å svinga innom er bakevarene som blir produserte og selde på tunet. Denne dagen skal 850 nordlandskaker bli til.
Ein kjenner det med ein gong ein parkerer utanfor produksjonsbygningane på Teigland i Åkrafjorden: Den gode lukta! Av nysteikte nordlandskaker som pirrar luktesansen, mens ho blandar seg med eimen av nyproduserte Åkrafjordpølser i nabobygget. Døra til bakeriet står på gløtt, og i opninga står ferdige nordlandskaker stabla i stativ til avkjøling. Inne er det framleis full produksjon, og før dei er ferdige for dagen er målet å produsera 850 nordlandskaker. Det betyr seks timar med baking og steiking for bakar Aud Berit Ljusnes Jensen, og steikeassistenten hennar, Olga Konova.
— I dette bakeriet produserer me nordlandskaker, potetkaker og Skakkebrød, men i dag er det berre nordlandskakene me lagar, seier Aud Berit Ljusnes Jensen som har vore tilsett som kokk sidan oppstarten av Åkrafjordtunet for 20 år sidan. Rett nok med 2,5 års pause ein periode, men dei siste åra har ho i hovudsak hatt ansvaret for bakeriet og catering.
Planlegg bakeri i butikk
