Loppesal frå Rygg skule

Etne kommune er i gang ned ein skikkeleg rydderunde på den nedlagte Rygg skule og barnehage, og inviterer til loppemarknad komande onsdag.

Gammalt og nyare ting

— Nå er det jo ei tid sidan barnehagen og skulen der blei lagt ned, men det har ikkje blitt rydda. Dette har me nå starta på, men me ynskjer at dei som bur rundt, og som er interessert i både gammalt og nyare ting, kan få koma innom og ta med seg noko heim, seier Mona Rasmussen Sævik, kommunalsjef for Oppvekst og kultur.