Kommuneoverlege Terje Kleiven meiner vaksinestatus hos innlagde på sjukehus med covid-virus, viser at det er ein formidabel helsegevinst å vaksinere seg.
Arkivfoto: Jon Edvardsen
Seks koronasmitta den siste veka
Korona-alarmen har igjen gått i Vindafjord. Den siste veka har kommunen registrert seks smitta.
Kommuneoverlege Terje Kleiven seier det er ingen grunn til å slappa av. Koronapandemien er langt frå over og folk må vera varsame og følgja smitteverntiltaka, er bodskapen hans.
— Status i dag, torsdag, er seks nye smitta i Vindafjord i løpet av den siste veka, og rundt 55 personar i karantene. Me jobbar aktiv med tre smittesporingssaker akkurat nå, så talet på folk i karantene kan bli oppjustert, seier Kleiven til Grannar.
I hovudsak dreier dei nye smittetilfella seg om polske arbeidarar busette i kommunen. Med unntak av éin, jobbar desse andre stader enn i Vindafjord. Éin av dei polske som har fått påvist covid-19, jobbar ved Westcon i Ølensvåg, men situasjonen knytt til denne arbeidaren er avklart og under kontroll. Fire av dei smitta er pendlarar, medan den siste er fast busett i Vindafjord.
