Ølen skule berørt av covid-19

Det nye smittetilfellet resulterer i at elevane i ein 3. klasse ved Ølen er sett i karantene og skal testast for smitte. Bakgrunnen for karantenen er at klassen har vore nærkontaktar med éin person som har fått påvist covid-19.

Det er Vindafjord kommune som melder dette.

Totalt er det nå registrert 61 positive smittetilfelle i Vindafjord kommune sidan starten av pandemien. Elleve personar fekk påvist smitte i helga, dei fleste relatert til Vindafjordtunet. Kommunen har på vel ei veke fått påvist smitte hos 22 personar.