Gro Anita Langeland er klar for sitt andre år med julevipps-butikk i Skjold, då alle julemesser blei avlyste.
Arkivfoto: Grethe Hopland Ravn
10 Kjappe
Har spesialisert seg på gnomar
Det har gått mange år sidan Gro Anita Langeland frå Vats laga sin første gnom, og i år hadde ho planlagt å selja dei på julemessa. Då alt blei avlyst fekk ho ideen til julevipps-butikken som no er oppretta i Skjold.
Det heile starta for over 10 år sidan. 43-åringen hadde eit bukkehorn liggjande, som ho fann ut ho ville prøva å laga om til ein gnom. Ein gnom kan gjerne minna mykje om ein fjøsnisse, med stort skjegg, og stor lue. Éin gnom blei til tre som ho gav bort, og responsen var så god at tre blei til fleire.
I år har ho laga over 30 gnomar, som skulle seljast på julemesser i distriktet. Slik gjekk det ikkje, det sette korona ein stoppar for. Det var då ideen om julevipps-butikken dukka opp, og no er butikken oppe og går.
Om ikkje lenge er alle gnomane utselde også, så Langeland produserer stadig nye. Utfordringa har vore å få tak i nok horn, og draumen er å få tak i horn av høylandsfe, som er store horn ein kan gjera mykje med.
