Thomas Gausvik i TG Bygg synest det er imponerande at det er selt tre leilegheiter og reservert to i det nye prosjektet på Balahaugen i Sandeid. Gravemaskina til entreprenør Bjarne Nordtveit hadde den første arbeidsdagen på tomta i sist veke.
Foto: Jon Edvardsen
Kom ganske raskt i gang
Det er litt laber temperatur i husbygging i distriktet, men fem hus i rekkje med ti leilegheiter, har kome i gang på mindre enn eitt år etter at dei vart lagt ut for sal i Sandeid. Prosjektleiar Thomas Gausvik har tru på ikkje alt for dyre leilegheiter.
Smarthus og alternativ for førstegangskjøparar, er noko TG Bygg og medeigar Thomas Gausvik har sansen for. Prosjektet på Balahaugen vart lagt ut rundt påske, og no er gravemaskin frå entreprenør Bjarne Nordtveit i gang med å grave i jordhellinga ned mot Sandeid.
— Med tre selde leilegheiter og to reserverte, var det berre å gå i gang. Det synest eg er imponerande. Kanskje er det dei første smarthusa på Haugalandet i leilegheitsbygg, seier Gausvik.
Lokale kjøparar
