Medlemsrekord i Noregs Mållag

Dei siste åra har Mållaget opplevd ein medlemsauke på fleire tusen medlemer, og 1. desember passerte organisasjonen, som jobbar for nynorsk, fjorårets rekordhøge medlemstal på 13.581, og er nå oppe i 13.609 medlemer. Det er høgste talet sidan 1989.

— At Mållaget er i vekst, gjer at me blir sett på som noko meir enn ein språkorganisasjon, nokon som representerer ei heil folkerørsle, seier Peder Lofnes Hauge, leiar i Noregs Mållag, i ei pressemelding.

Tidlegare i haust sette styret seg eit ambisiøst mål om 14.000 medlemer innan året er omme, og verveaksjonen er i full sving. Lokallag over heile landet vervar, og berre sidan 1. oktober har Mållaget fått 310 nye medlemer.