Distribusjonsselskapet Helthjem leverer stadig fleire pakkar til postkassar også i Grannar-distriktet. No har nokre kundar opplevd at dei har blitt stolne.
FOTO: HELTHJEM
Fleire fortel om tjuveri frå postkassar
Fleire personar i Etne og Vindafjord har den siste tida erfart at pakkar har forsvunne etter truleg å ha blitt stolne frå postkassane sine.
Det er for tida rekordhandel av julegåver frå nettbutikkar og enorm distribusjon av postpakkar. No tyder meldingar på at vinningskriminelle har merka seg dette. Grannar har fått tips om saka, og dette blir støtta opp av meldingar privatpersonar har lagt ut i sosiale medium. Også politiet har fått ei melding om mogeleg stolen post.
Ei kvinne i Etne, som ikkje ønskjer å stå fram med namn, fortel at ho hadde bestilt ei vare for 400 kroner, og fekk melding frå distributøren om at pakken var levert til hennar postkasse på natta.
— Då eg sjekka postkassen på føremiddagen, så var den borte, fortel ho.
