Verken Linda Skaar, tidlegare Miljøpartiet dei grøne, eller Guri Ravatn (SV) protesterte mot å fjerne forslaget om ei klimastilling i kommunen. Kristian Resset i Bjoa Bygdeliste deretter på bildet.
Ber om kontroll av kutt
Tre politiske parti i Vindafjord ber om statleg kontroll av om budsjettet for 2021 er laga på ein forsvarleg måte. Det handlar om sjukeheimsplassar.
Bjoa bygdeliste, Miljøpartiet dei grøne og Sosialistisk Venstreparti ber om såkalla lovlegkontroll av årsbudsjettet for 2021 og økonomiplanen for tre år deretter.
Kravet skal først opp i kommunestyret, og dersom fleirtalet meiner alt er i orden med det som er gjort, blir saka sendt over til Statsforvaltaren i Rogaland, som i det nye året erstattar den mindre kjønnsnøytrale tittelen Fylkesmann.
Heile kommunestyret fekk invitasjon til å skrive under på kravet, men det er tre som har skrive under innan fristen. Det er Kristian Resset (BBL), Guri L. Ravatn (SV) og Linda Skaar (MDG).
