Ole Vikedal frå Vikedal fekk sin første vaksinedose av sjukepleiar Janet Erichsen. Larudag kallar kommunen inn til massevaksinering i Ølen og Skjold.
Arkvifoto: Irene Mæland Harladsen
102 vindafjordingar fekk sin første dose
Vindafjord kommune har flytta vaksineringa frå helsekontoret til kulturhuset i Ølen. Når det kjem mange dosar vil også idrettshallen i Skjold og Vikedal bli nytta.
Kommunen kalla det som skjer på Ølen kommune for massevaksinering, men dei store køane er det ikkje når dosane kommunen har fått tildelt i kampen mot covid-19 førebels er få.
Torsdag var det vaksinering i kulturhuset for innbyggjarar over 85 år, og denne dagen fekk 102 vindafjordingen sin første dose, medan tolv personar fekk dose nummer to og er ferdigdvaksinerte. Totalt er det nå sett 432 vaksinedosar. 84 personar er per i dag ferdigvaksinerte. Neste veke er det dei eldste i aldersgruppa 75-84 år sin tur.
Vindafjord kommune følgjer Folkehelseinstituttet si prioriteringsliste. Det betyr at det er dei som er født i 1937-1946 som står for tur dei kommande vekene. Samt helsepersonell, opplyser kommunen på si heimeside.
