Tysdag 9. februar er det registrert 16.894 personar heilt utan arbeid, delvis utan arbeid og arbeidssøkjarar på tiltak, viser ferske vekestal frå NAV Rogaland. Av dei er 10.141 personar heilt utan arbeid. Det er 383 færre samanlikna med førre veke. Det betyr at 4,0 prosent av arbeidsstyrken i fylket er heilt utan arbeid.
5.546 personar er delvis utan arbeid. Det er 150 fleire enn førre veke, og utgjer ein del på 2,2 prosent.
— I løpet av den siste veka har fleire som har vore heilt utan arbeid, byrja å jobba delvis. Det er ei positiv utvikling, seier assisterande direktør i NAV Rogaland, Anneline Teigen.
