Dagleg leiar, Lars Norekvål i Ølen Betong.
FOTO: ØLEN BETONG
Ny betongelement: Reduserer CO2-avtrykket med 25 prosent
Ølen Betong har nå utvikla betongelement til samferdselstunnelar med betydeleg redusert CO2-avtrykk til reduserte kostnader per kvadratmeter og forventa dobla levetid.
Tidleg i 2020 starta betongkonsernet i Ølensvåg, i samarbeid med Hæhre Entreprenør AS og konsulentfirma Aas- Jakobsen AS, eit prosjekt med å få redusert CO2-avtrykket frå produksjonen av betongelement til samferdselstunnelar.
— Resultatet er svært oppsiktsvekkande, skriv Ølen Betong i ei pressemelding, og legg til:
Gjennom utvikling av betongresept, produksjon og logistikk fram til leveranse i tunnel, er CO2-avtrykket redusert med ca. 25 prosent. I tillegg har også utviklinga resultert i opp mot 15 prosent reduserte kostnader per kvadratmeter samt dobla levetid. Både CO2-avtrykk og kostnader knytt til betongelementa kan nå avskrivast på hundre års levetid mot tidlegare 50 år. Elementa kan også lett reingjerast med miljøvennlege vaskemiddel.
